7/02/2013




- Agjërimi prishet vetëm në këto kushte:
1. Të ketë dituri mbi gjërat që e prishin.
2. Të jetë i vetëdijshëm mbi prishjen (të mos jetë prishja prej harresës).
Gjërat, të cilat e prishin agjërimin, mund të jenë të llojit që dalin nga organizmi si: vjellja me dëshirë, ardhja e menstruacioneve, ose të llojit që hyjnë në organizëm, si ushqimet dhe pijet.
- Nga gjërat që e prishin agjërimin dhe që janë të ngjashme me ushqimet dhe pijet, përmendim: ilaçet, tabletat, infuzionet dhe transfuzioni i gjakut. Pastrimi i plagës (edhe nëse rrjedh gjak), pastrimi i syve, i hundës dhe heqja e dhëmbit nuk e prishin agjërimin.
- Ilaçet, me të cilat bëhet shpëlarja e gojës, nuk e prishin agjërimin, edhe nëse në gojë mbetet aroma dhe shija e tyre.
- E nëse ha apo pi me harresë, atëherë duhet ta vazhdojë agjërimin, sepse atë e ka ushqyer Allahu i Madhëruar. Nëse sheh dikë duke ngrënë me harresë, duhet t’i tregojë atij se është agjërueshëm, duke e bazuar në fjalën e Allahut të Madhëruar: “…bashkëpunoni në të mira dhe devotshmëri.” El-Maide 2
- Kush ka nevojë ta prishë agjërimin për të shpëtuar dikë nga vdekja, i lejohet ta prishë dhe ta kompesojë më vonë, siç është rasti i shpëtimit të atij që është duke u mbytur ose të fikurit e zjarrit etj.
- Kur një agjërues kryen marrëdhënie seksule, prishet agjërimi, ka ejakuluar apo jo, ky person obligohet të pendohet, ta plotësojë këtë ditë me kompesim dhe shpagim të rreptë për të, ashtu siç thuhet në hadithin e Ebu Hurejres (radijallahu anhu): - Ishim të ulur pranë Profetit (alejhi selam) kur erdhi një burrë dhe ky e pyeti: - “Cfarë ke?”, - ai u përgjigj - Kam bërë marrëdhënie me gruan time duke qenë agjërueshëm. Profeti (alejhi selam) i tha: - A ke mundësi të agjërosh dy muaj radhazi? Jo! - tha ai.
- A ke mundësi të ushqesh gjashtëdhjetë të varfër?
- Jo – iu përgjigj ai,…” Buhariu
Lejohet puthja ose prekja e gruas nga burri i saj agjërues, nëse ai e zotëron epshin, duke u bazuar në hadithin e Aishes (radijallahu anha), se Profeti (alejhi selam) e puthi duke qenë agjërueshëm, mirëpo e kishte përmbajtur veten e tij.
- Nëse një person zgjohet xhunub, agjërimi i tij është i plotë dhe i lejohet që ta shtyjë gusulin deri pas agimit, kjo vlen edhe për gusulin pas menstruacioneve apo lehonisë, mirëpo duhet të shpejtojë për namazin e sabahut.
- Ai, i cili masturbon (vetëkënaqet) gjatë ditës së Ramazanit, obligohet të pendohet tek Allahu i Madhëruar e të vazhdojë pjesën e mbetur të ditës, gjithashtu ai duhet ta kompensojë këtë ditë. E nëse ka filluar të masturbojë dhe është ndaluar duke mos ejakuluar, obligohet me teube e jo me kompesim, për shkak të mos ejakulimit. Theksojmë këtu, se ky është një veprim kategorisht i ndaluar edhe jashtë agjërimit.
Duhet që agjëruesi të largohet nga çdo gjë që e ngacmon epshin e tij.
Dalja e një lëngu para spermës (që quhet medhij) nuk e prish agjërimin.
- Ai që ka vjellë pa dashje, nuk ka kompesim, ndërsa ai që kërkon të vjellë qëllimisht duke futur gishtin në gojë, duke shtypur barkun, duke nuhatur ndonjë aromë që i provokon vjelljen apo duke shikuar vazhdimisht në ndonjë vend ngacmues për vjellje, obligohet që ta kompesojë atë ditë. E nëse vjell pa qëllim, nga ndonjë çrregullim në organizëm, agjërimi i tij nuk është prishur.
- Është i urryer shijimi i panevojshëm i ushqimit gjatë agjërimit, ndërsa ai që ka nevojë, siç është rasti i kuzhinierit apo nënës që përgatit ushqimin për fëmijën, i lejohet ta provojë me gjuhë, por të mos e përcjellë në stomak.
- Nëse agjëruesi është i plagosur ose i del gjak nga hunda dhe i shkon në fyt, ose uji apo benzina duke punuar, pa dëshirën e tij, atëherë agjërimi i tij është i saktë. Edhe nëse i depërtojnë deri në brendësi të mushkërive, pa qëllim, pluhurat, tymërat ose ndonjë mizë, agjërimi i tij është i saktë.
- Pirja e duhanit është një nga veprimet që e prishin agjërimin dhe nuk është arsye për të justifikuar mosagjërimin, sepse mëkati nuk mund të jetë arsye.
- Zhytja në ujë nuk e prish agjërimin, gjatë agjërimit lejohet lagia e kokës me ujë për shkak të nxehtësisë. Notimi është i papëlqyeshëm gjatë agjërimit, për shkak të mundësisë së prishjes së tij.
Nëse dikush ha, pi ose ka bërë marrëdhënie seksuale, duke menduar se ka ende kohë, e pastaj sheh se ka aguar, nuk obligohet me asgjë. Kjo është thënë qartë në ajetin e Kur’anit, ku flitet për dallimin mes perit të bardhë nga peri i zi në agim.
Nëse hap iftarin duke menduar se dielli ka perënduar, e ndërkohë ai akoma nuk ka perënduar, atëherë ky person duhet ta kompensojë këtë ditë sipas mendimit të shumicës së dijetarëve pasi është ende ditë.
Nëse agon dhe në gojën e dikujt ka mbetur ende ndonjë ushqim ose pije, dijetarët janë të mendimit se duhet ta përfundojë atë që ka në gojën e tij. I njëjti qëndrim është dhe për atë person që ha ose pi diçka në harresë.






Ka rregulla që janë vaxhib (obligim) dhe rregulla që janë mustehab (të lejuara).

Prej mustehabeve janë:
  • Ngrënja e syfyrit dhe vonimi i tij sepse Muhamedi (alejhi selam), thotë:

     “ Zgjohuni në syfyr se në të ka bereqet.” (Ahmedi)
  • Shpejtimi i iftarit duke u bazuar në fjalën e Muhamedit (alejhi selam):

    “Do të mbesin njerëzit në mirësi përderisa e shpejtojnë iftarin.”
     (Buhariu)
  •  Largimi nga veprimet dhe shprehjet e injorancës. Profeti (alejhi selam) thotë:

     “Allahu i Madhëruar nuk ka nevojë për dikë që lë ushqimin dhe pirjen e nuk lë fjalët e këqija (shprehjet e injorancës dhe gënjeshtrat).” (Buhariu)
  • Profeti (alejhi selam) thotë:

    “Shumë agjëruesve nuk u mbetet asgjë nga agjërimi, veç se uria.
    ” (Ibn Maxhe)
  • Largimi nga polemikat e thata dhe ofendimet. Profeti (alejhi selam) thotë:

    “Nëse dikush të lufton ose të ofendon, thuaji: unë jam agjërues, unë jam agjërues.” (Tirmidhiu)
  • Mosngrënia e tepërt, sikurse rekomandohet në hadith:

    “Nuk ka më keq për birin e Ademit sesa ta tejngopë barkun e tij.”
     (Tirmidhiu)






Agjërimi i Ramazanit është detyrë e obligueshme për çdo musliman, në moshë të rritur, vendas (jo udhëtar), i shëndoshë dhe ata që janë liruar nga pengesat si menstruacionet (hajdi) dhe lehonia (nifasi) etj. Mosha e pubertetit arrihet me ndonjërën prej këtyre tri gjërave: pjekuria seksuale, shfaqja e qimeve dhe plotësimi i moshës 15 vjeçare te meshkujt, ndërsa te femrat kur u fillon cikli menstrual, ajo obligohet me agjërim, edhe pse është më pak se 10 vjeç


Të gjithë dijetarët kanë rënë dakord, se agjërimi i muajit Ramazan është detyrë (farz). Argumenti për këtë është në librin e Allahut, ku thuhet:

“O ju që keni besuar, ju është urdhëruar agjërimi, siç u është urdhëruar atyre para jush, që të bëheni të devotshëm”

El-Bekare 183
Argument nga suneti është fjala e Profetit (alejhi selam), i cili ka thënë:

Islami qëndron mbi pesë shtylla, një prej tyre, agjërimi i muajit Ramazan.

Buhariu




Fjala agjërim ka dy përkufizime

Kuptimi gjuhësor: Shmangie dhe privim.

Ndërsa në kuptimin fetar: Privimi i të rriturit musliman, me qëllim adhurimi dhe përkushtimi ndaj Zotit, prej çdo ushqimi, pirje, marrdhënie intime dhe ejakulimi me qëllim, që nga agimi deri në perëndimin e diellit për çdo musliman që nuk e pengon diçka e përcaktuar.

6/30/2013




Simbol Islam

Me emrin e Allahut, të Gjithëmëshirshmit, Mëshirëplotit
Falënderimet qofshin vetëm për Allahun. Paqja dhe shpëtimet qofshin mbi të dërguarin Muhamed, mbi familjen e tij, si dhe mbi të gjithë pasuesit e tij deri në Ditën e Gjykimit

. 1. Çarja e hënës. Allahu i Madhëruar thotë: “U afrua Kiameti e u ca hëna. E nëse (mosbesimtarët) do shohin ndonjë mrekulli do largohen e do thonë: ‘Kjo është magji e vazhdueshme’.”





Na tregon Allahu për çarjen e hënës në kohën e shkuar dhe për largimin e mosbesimtarëve nga kjo mrekulli. Kanë rënë dakord të gjithë dijetarët e tefsirit edhe ehli sunetit që kjo ka ndodhur.

Transmetohet nga Ibn Mesudi radiallahu anhu se ka thënë: ”U ça hëna në kohën e Profetit salallahu alejhi ue selem dy pjesë një pjesë sipër malit e një pjesë anash malit. Tha Profeti salallahu alejhi ue selem: ‘Dëshmoni’.” Transmeton Buhariu dhe Muslimi.

Transmeton Mesruku nga Ibn Mesudi se politeistët thanë se ju bëri magji Ibnu Ebi Kebsheh (kanë për qëllim Profetin salallahu alejhi ue selem). Tha njëri prej tyre se nëse Muhamedi i bëri magji hënës, nuk ka mundësi t’i bëjë magji gjithë tokës, prandaj pyesni ata që vijnë nga vende të tjera a e kanë parë këtë gjë? E kështu bënë. Kur erdhën disa njerëz nga vende të largëta i pyeten e ata u thanë se e kishin parë. Atëherë thanë politeistet se kjo qenka magji e vazhdueshme.

Hadithet e çarjes së hënës i ka transmetuar veç Ibn Mesudit, Enesi, Ibn Abasi, Ibn Umer, Hudhejfe, Aliu dhe Xhubejr Ibn Mutim.

Transmeton Buhariu nga Enesi radiallahu anhu se mekasit i kërkuan Profetit salallahu alejhi ue selem t’u tregonte një mrekulli e ai u tregoi çarjen e hënës e cila u nda në dy pjesë.

2. Burimi i ujit nga gishtat e tij salallahu alejhi ue selem. Hadithet e burimit të ujit nga gishtat e Profetit salallahu alejhi ue selem janë të shumta. I ka transmetuar ato një numër sahabësh, prej tyre Enesi, Xhabiri dhe Ibn Mesudi.

Transmeton Buhariu nga Salim Ibnul Xha’ad nga Xhabiri radiallahu anhu se ka thënë: “U eten njerëzit ditën e Hudejbijes e Profeti salallahu alejhi ue selem kishte para vetes një enë (të vogël lëkure me ujë) prej së cilës mori abdes. Erdhën njerëzit tek Profeti salallahu alejhi ue selem e i thanë se nuk kemi ujë tjetër veç këtij uji që ndodhet në enën tënde. Atëherë vendosi Profeti salallahu alejhi ue selem dorën e tij në enë e uji filloi të dilte nga gishtat e tij si të ishte një numër burimesh. I thashë (Xhabirit)se sa ishit atë ditë? Tha se sikur të ishim njëqind mijë do na mjaftonte, ishim një mijë e pesëqind.

Gjithashtu, është transmetuar edhe nga Ubade Ibn Samit në një luftë tjetër edhe nga Umran Ibn Husejn. Këto hadithe janë tek Buhariu, Muslimi, Tirmidhiu, Daremiu etj.






Gruaja muslimane duke u lutur


Pyetja:


Desha ta di se a shkojnë në xhenet femrat të cilat vazhdimisht falin namaz, por nuk janë të mbuluara si edhe bëjnë shumë vepra të mira, por për shkak të punësimit apo për shkak se janë të ndaluara nga familja për t’u mbuluar, nuk mbulohen. Ju lutem që të ma sqaroni sa më hollësisht përgjigjen. Allahu ju shpërbleftë me te mira!









Përgjigjja:


Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen, mbi shokët dhe mbi të gjithë ata që ndjekin rrugën e tij deri në Ditën e Gjykimit.Mbulesa është obligim për femrën muslimane që ka arritur moshën e pjekurisë. Për këtë ka ixhma (pajtueshmëri) mes të gjithë muslimanëve dhe nuk e mohon askush këtë. Për vlerën dhe dobitë e mbulesës kemi me dhjetëra shkrime e libra në të cilat mund të lexoni përse është e domosdoshme për femrën që ta mbulojë trupin e saj. Gjithashtu edhe ne në disa përgjigje kemi folur rreth disa rrethanave me të cilat ballafaqohet sot femra muslimane që dëshiron ta mbajë hixhabin (mbulesën) dhe jemi munduar t`i hulumtojmë format e tejkalimit të atyre pengesave, prandaj mund të lexoni edhe aty.
Ndërsa a është shamia kusht që femra muslimane të hyjë në xhenet, themi se mbulesa nuk është prej kushteve thelbësore të besimit (imanit) pa të cilin femra trajtohet jomuslimane. Nëse femra i plotëson kushtet themelore të besimit, fal namazin, kryen vepra të mira, ajo është besimtare dhe shpresojmë që ta përfshijë mëshira e Allahut dhe ta fusë në xhenet.


Duhet pasur parasysh se nuk janë të gjithë muslimanët në një gradë, kemi nga ata njerëz që arrijnë gradat e të Dërguarve, të shehidëve, kemi njerëz të devotshëm dhe kemi muslimanë neglizhues dhe mëkatarë. Muslimania e cila është praktikante e fesë, por nuk i përmbahet mbulesës, është muslimane mëkatare e cila nuk ka përfillur një obligim që ia ka përcaktuar Allahu asaj dhe për këtë ajo do të merret në përgjegjësi dhe është shumë e mundshme që ajo t`i nënshtrohet dënimit të Allahut të Lartësuar.
Nëse ajo ka neglizhuar dhe nuk ka tentuar që ta ndryshojë gjendjen e saj duke hulumtuar mundësitë që ka para vetes, me fjalë të tjera nuk e ka bërë dert këtë mëkat të cilin e vepronte, atëherë frikësohemi se nuk do të përfshihet nga mëshira e Allahut. Allahu e di më së miri!







Osman Musliu
Mulla Osman Musliu, imam ne xhamine e Drenasit dhe vellai i tij Liman Musliu, jane arrestuar dje nga Policia e Kosoves, me dyshimin e bazuar se te shtunen pas ores 10:00, e kane rrahur hoxhen Gazmend Mehmeti, imam ne nje nga fshaterat e komune se Drenasit.




Sherri ka plasur ne objeket e Bashkesise Islame ne Drenas per arsyeje ende te panjohura.

Burimet brenda Policise Rajonale ne Prishtine, kane deklaruar per Indeksonline se, te dyshuar ne kete rast mbetet Mulla Osmani dhe vellai i tij Limani, perderisa viktime eshte kosntatuar te jete hoxha Gazmend Mehmeti.

Ky i fundit ka kerkuar edhe ndihmen mjekesore ku posedon edhe raport per lendime te lehta trupore.

Me vendim te prokurorit, Mulla Osmani se bashku me vellain e tij, eshte naluar ne qendren e paraburgimit per 48 ore.

Autoritetet e rendit kane dale ne vendin e ngjarjes dhe i kane ndermarre te gjitha veprimet e duhuara.

Hetimet ende jane ne fazen fillestare rreth zbulimit te motiveve qe kane quar deri te sulmi.

Mulla Osmani, ne janar te vitit 2009 ishte rrahur rende nga nente persona ne xhamine e fshatit Zabel te Drenasit. Imami kishte deklaruar se sulmuesit ishin vehabiste te cilet kishin synuar marrjen e BIK-ut nen kontroll.

6/01/2013


Kjo gjë mund të ndodh falë një komisioni këshillëdhënës për çështjet edhe liritë fetare në Kosovë


Udhëzimi administrativ sipas të cilit
ndalohet bartja e simboleve fetare në shkollat publike, shumë shpejt mund të ndryshohet. Me ndryshimin e këtij udhëzimi administrativ, vajzat të cilat mbajnë shami nuk do të përjashtohen më nga shkolla. Kjo gjë mund të ndodh falë një komisioni këshillëdhënës për çështjet edhe liritë fetare në Kosovë, të cilin e ka themeluar kryeministri i vendit, Hashim Thaçi, shkruan Koha Ditore.


Kreu i ekzekutivit, në krye të këtij komisioni e ka vendosur deputetin e Partisë së Drejtësisë në Kuvendin e Kosovës, Amir Ahmeti, shkruan sot gazeta ZëriVendimin për krijimin e një komisioni të tillë kryeministri e ka marrë pas disa kërcënimeve që ai ka pasur nga deputeti i PD-së, Amir Ahmeti dhe nga disa deputetë tjerë të PD-së, se do ta braktisin koalicionin dhe nuk do t’i votojnë shumë ligje në KuvendMirëpo, kreu i këtij komisioni, Amir Ahmeti ka thënë se kërkesën për një komision të tillë ia ka paraqitur kryeministrit pas shkresave të shumta që ka marrë nga elektorati i tij. Ahmeti ka thënë se komisioni është formuar që në nëntor të vitit të kaluar. Ai ka thënë se komisioni ka vizituar disa nga vendet e BE-së për të parë si është e rregulluar me ligj e drejta e fesë

Ministrinë e Arsimit e cila ka nxjerr udhëzimin administrativ, ku ndalohet bartja e simboleve fetare në shkolla, kanë thënë se akoma nuk kanë marrë ndonjë kërkesë për ndryshmin e këtij udhëzimi e as për futjen e lëndës së edukatës fetare neper shkolla./ShefqetKrasniqi.blogspot.com/



5/31/2013

Dr. Shefqet Krasniqi

“Kosova, në rast se tenton të promovojë shtet pa fe, atëherë duhet ta di se ajo ka gjymtuar veten. Kjo do të nënkuptonte se motori që vë në lëvizje makinën mungon.”

1. Feja dhe shteti

Kosova hodhi një hap para drejt tolerancës fetare. Ajo organizoi javën e tolerancës ndërfetare ndërsa, paraprakisht, mori lëvdata edhe nga raporti amerikan për respektimin e të drejtave dhe lirive fetare. Në të vërtetë, ky organizim shpalosi gjëra shumë me rëndësi, të cilat nuk duhet ta bëjnë Qeverinë të ndihet komode. Fjalët e kongresistit Bob McEwen se “Janë tri burime të pushtetit, është fuqia ekonomike, ushtarake apo politike dhe ajo shpirtërore” dhe “Janë të bekuara kombet, të cilat në brendinë e tyre e kanë Zotin dhe besimin” duhet të jenë një vërejtje serioze se pa besim nuk çohet shteti para.

Laicizmi nuk nënkupton përjashtim të besimit. Kosova, në rast se tenton të promovojë shtet pa fe, atëherë duhet ta di se ajo ka gjymtuar veten. Kjo do të nënkuptonte se motori që vë në lëvizje makinën mungon. E, për këtë përvojën e shkurtër të kësaj tendence, Kosova ka këtë nivel të lartë korrupsioni, mashtrimesh, vrasjesh, vetëvrasjesh, etj. Kjo është tamam ajo që një filozof thotë: “Aty ku nuk sundon Zoti, sundojnë fantazmat!”

-->



2. Tolerancë me kufi

Toleranca jo çdoherë është virtyt. Ajo mund të reflektojë edhe si dobësi e madje edhe të jetë poshtërim për të tolerantin. Kosova, e cila ishte viktimë e palës serbe, ka shfaqur tërë këtë zemërgjerësi për kriminelin, Serbinë, aq sa fton zyrtarët e saj, vendos flamurin solemnisht, tregon këtë zemergjërësi ndërsa poshtërohet. Krimineli ngel kriminel dhe kjo mbase është dëshmuar në rastin e Serbisë historikisht. Foltorja e tolerancës shërben për intolerancë. Përfaqësuesi serb thotë se Kosova është Serbi, ndërsa për çudi merr duartrokitje. Ata, ose nuk e kanë kuptuar, ose nuk ia kanë vënë veshin fare se çfarë ka thënë, ose toleranca po zbritka deri në këtë nivel të poshtërimit, gjë, të cilën nuk e duam.

Në kuadër të kësaj jave u përkujtuan edhe viktimat e Hiroshimës dhe Nagasakit. Kosova përkujtoi ata, e po kështu, për nder të viktimave të Holokaustit, për hebrenjtë bëri një lapidar, i cili, megjithëkëtë, nuk e kënaqi komunitetin hebre. Të pakënaqura, por nga një aspekt tjetër, ishin edhe nënat kosovare. Të interesohemi për viktimat e Holokaustit, ndërsa të mos bëjmë asgjë për viktimat e luftës sonë, është e pavend. Pra, tolerancë e paqëlluar.

3. Toleranca dhe komunitetet

Ndërsa vështroja rrjedhën e javës së tolerancës, thashë në vete: Sikur ne muslimanët të kishim qenë komunitet pakicë, ndoshta do t’ia kishim Thenie kaluar shumë më mirë. Sikur të gjitha këto thirrje për tolerancë të ishin bërë në raport me komunitetin më të madh, që trajtohet më së keqi nga qeveria. Ende pa mbaruar java e tolerancës, Kosova shkel të drejtat fetare. Vajzave me shami iu ndalohet pjesëmarrja në Testin e Maturës. Sikur nuk mjafton ajo se Kosova ka 137 000 analfabetë. Apo, tash që ka marrë lëvdata, duhet të vazhdojë e qetë me shkeljen e së drejtës.

Të thuash se në Kosovë ka tolerancë të plotë dhe se nuk ka diskrimimin fetar, është gabim. Në Kosovë të gjithë gëzojnë të drejta, bile edhe nëse dikush dëshiron të martohet me partner të së njëjtës gjini. Të drejta gëzojnë edhe shtazët, por jo edhe muslimanët. Kosova është vendi i dytë në Evropë për nga shkelja e të drejtave të muslimanëve dhe diskrimiminit të tyre, pas Greqisë. Kosova deri më tani asnjë hap para nuk e ka bërë në raport me fenë, ajo e ka lënë fenë atje ku ka qenë në kohën komuniste.

Unë nuk e di se ku është qëllimi dhe çfarë dobie ka organizimi i këtyre tryezave për tolerancë fetare, në një vend ku në mënyrë flagrante shkelën të drejtat fetare?! Përpos nëse ka për qëllim për t’ua hedhur një grusht hi syve të ndërkombëtarëve, kinse ne jemi ata që të gjithëve ua japim të drejtat, apo për t’i kaluar disa ditë nëpër hotele, e restorante dhe për t’u njoftuar mes vete.

4. Në vend të konkluzave të organizimit qeveritar

Java e Tolerancës do të duhej të sillte konkluza për respektim të ndërsjellë të së drejtës fetare. Duke i siguruar hapësirë të gjitha komuniteteve, duke rregulluar me ligj, duke futur besimin si motor të shoqërisë, Kosova do të ecte para. Kaq kësaj radhe dhe deri javën e ardhme selam alejkum./shefqetkrasniqi.blogspot.com/

5/24/2013





Shefqet Krasniqi
Dr. Shefqet Krasniqi



Pa dyshim edhe hoxhollarët kanë qenë pjesë aktive e Ushtrisë Çlirimtare të Kosovës, disa prej tyre nuk duan të flasin për kontributin e dhënë, marrë parasysh se sipas bindjeve fetare, përmendja zbeh shpërblimin.

Mulla Shefqet Krasniqi, thotë se asnjëherë nuk ka dashur të flasë për këtë çështje, duke vlerësuar se nuk pret lëvdata e shpërbilme nga njerëzit.

Krasniqi, ka treguar për Indeksonline se nuk ka dashur të aplikoj për statusin e veteranit të luftës.

“Thënë të drejtën, ashtu siç nuk kam dashur të deklarohem për pjesëmarrjen në luftë, gjithashtu nuk kam dashur as të aplikoj për statusin e veteranit të luftës, sepse, siç thashë, atë punë nuk e kam bërë për interesa të dynjasë, por thjesht për hatër të Allahut si përmbushje të në obligimi ndaj popullit tim. Po e them me sinqeritetin më të madhe se unë jam i gatshëm t’i përgjigjem vendit tim çdoherë dhe me çdo gjë që kam. Unë deri në vdekje e konsideroj veten ushtar të Kosovës. Por, me sugjerimin e miqve të mi se duhet tua mbyllim gojën dashakëqijve që akuzojnë hoxhallarët për kinse pak punë për atdhe, e po kështu edhe me sugjerimin e Komandantit tim, i cili publikisht ka thënë se Dr. Shefqeti është i vetmi që nuk ka kërkuar dokumentacione - librezë, unë kam aplikuar që të më njihet statusi i veteranit të UÇK-së. Është dëshmi për kontribut dhe asgjë tjetër”, ka theksuar Krasniqi për Indeksonline.

Krasniqi thotë se me pjesëmarrjen e tij në luftë si ushtar i UÇK-së ai veçse ka kryer një obligim qytetar.

“Ani pse isha në studime postdiplomike në Medinën e shenjtë, jam detyruar ta ndërpresë shkollimin dhe të vij në luftë, sepse për shkollë ka kohë, ndërsa lufta nuk priste. Kam lënë gruan me tre fëmijë dhe ia kam marrë rrugën e maleve të Koshares. Siç iu thashë, nuk e kam harruar këtë pjesë të ndjeshme të jetës sime, përkundrazi, e ruaj si kujtim të mirë, madje kam shpresë se për të Zoti im do të më falë dhe do të më shpërblej! E ndiej veten shumë të nderuar që më është dhënë mundësia të jam pjesë e Ushtrisë Çlirimtare të Kosovës”, ka thënë Krasniqi.

Duke folur për eprorët e tij, ka treguar se ka marrë pjesë edhe në thyerjen e kufirit në Koshare.

“Kam shërbyer në Kukës për një kohë të shkurtër, e pastaj kam kaluar në Koshare, ku kam qëndruar para thyerjes së kufirit, kam marrë pjesë në thyerjen e kufirit dhe kam qëndruar edhe më pas. Pra, kohën më të madhe e kam kaluar në Koshare. Unë kam patur fatin që të isha nën komandën e mikut tim të mirë, Kolonel Rrustem Berisha, pastaj Agim Ramadanit dhe Sali Çekut”, ka theksuar Krasniqi.

I shqetësuar për disa ndodhi kohën e fundit në vendin tonë, Krasniqi shprehet optimist se gjërat do shkojnë kah e mbara, gjithsesi edhe në rrafshin fetar.

“Kosova ka shënuar përparim në disa fusha, por dhe ngecje dhe çalime në shumë të tjera. Veriu i vendit vazhdon të jetë pjesë e problemeve ditore, të cilat na kanë lodhur. Pastaj korrupsioni, mashtrimet, krimi i organizuar, varfëria, papunësia janë në kulm. Po kështu, Kosova ka dhe një tjetër problem, atë me komunitetin më të madh fetar në vend. Kosova është duke i diskriminuar ata. Sot në Kosovë gëzojnë të drejta të gjithë, bile edhe ata që duan të martohen me partner/e të së njëjtës gjini, kanë të drejta edhe kafshët, ndërsa muslimanët si komunitet absolut me 96% të popullsisë ende pas 14 viteve nuk i gëzojnë të drejtat e tyre. Liria fetare kur është fjala për muslimanët ende është e cunguar dhe se ajo nuk ndryshon fare nga liria fetare e kohës së komunizmit”, ka shtuar Krasniqi.

5/12/2013









Pyetje - Përgjigje nga Hoxhë Dr. Shefqet Krasniqi


Cila është duaja për mësim?

Ju lutem ta shpërndani këtë video sipas mundësive që ta marrin vesh të gjithë.

Allahu ju shpërbleftë!

Dr. Shefqet Krasniqi në Facebook (KLIKO & FOLLOW)
Dr. Shefqet Krasniqi në Youtube (KLIKO & SUBSCRIBE)

5/10/2013



Pyetje - Përgjigje nga Hoxhë Dr. Shefqet Krasniqi

Pse hoxha i urren kaq shumë teqetë dhe tyrbet?

Ju lutem ta shpërndani këtë video sipas mundësive që ta marrin vesh të gjithë.

Allahu ju shpërbleftë!

Hoxhë Dr. Shefqet Krasniqi në Facebook
Hoxhë Dr. Shefqet Krasniqi në Youtube
Dr. Shefqet Krasniqi duke ligjëruar para xhematit
Suksesi, fati dhe ardhmëria e një populli varet nga edukata dhe arsimimi i tij. Andaj edhe shtetet e zhvilluara dhe ato në zhvillim kanë investuar dhe vazhdojnë të investojnë me të madhe dhe si duhet, në fushën e arsimit dhe edukimit, për çka edhe kanë arritur atje ku janë sot.
Mirëpo, karshi gjithë këtyre zhvillimeve konstruktive nëpër botë, çfarë po ndodh në Kosovë?!
Arsimi në Kosovë ka degraduar. Reformat dhe menaxhimi kanë dështuar.
Gjithë këto e bëjnë njeriun dhe shoqërinë, jo vetëm që të zhgënjehet, por edhe e çojnë drejt kolapsit total edukativo-arsimor.
Çdo ditë e më shumë po vërtetohet ajo çka kamë thënë para disa viteve se ajo që është konceptuar t’iu servohet nxënësve si edukatë dhe etikë është e gabuar. Se në shkollat tona mund të ketë gjithçka, por jo edhe mësim e edukim të mirëfilltë. Ndonjëherë duhet të ndodhin gjëra skandaloze, që më pastaj pushtetarët ta marrin vesh seriozitetin e rrezikut të një veprimi të gabuar. Çështja është se, pas publikimit të një materiali në mediet e shkruara, në ato online përkitazi me edukatën e nxënësve nëpër shkolla, u alarmua, aq sa edhe Parlamenti vendosi të diskutojë për të.
Siç e dini, Parlamenti edhe më parë ka diskutuar për arsimin, atëherë kur vet ka vulosur këtë fat të zhvillimit kësisoji të procesit arsimor. Parlamenti i ka thënë JO lëndës fetare dhe ka shkelur mbi parimet demokratike duke ndaluar vënien e shamisë për nxënëset, pasojat e të cilave për një kohë kaq të shkurtër po i vuan vet. Parlamenti nuk po do nxënës e studentë të edukuar dhe qytetarë të ndershëm, mirëpo ai po do nxënës e student të rebeluar, arrogantë, vagabondë e injorantë.
Janë mësimet dhe filozofia e tyre ato që bartin përgjegjësinë për këtë gjendje kaotike në arsim. Atyre ende vazhdon t’iu thyhet se e kanë prejardhjen prej majmunit. E, si të kërkosh që ata të jenë të dëgjueshëm?!
Po të nderuar, kështu e ka kjo punë. “Çka të bësh, ia bën vetes”, thotë populli.
Ndërsa parlamentarët tanë janë njerëzit që më së shumti punojnë kundër vetes së tyre, sepse punojnë kundër popullit të tyre, kundër fëmijëve të tyre, kundër ardhmërisë së vendit. Nuk ka edukim me “teorinë” e Darvinit dhe “Kapitalin” e Marksit. Edukim e përparim ka kur fëmijët të lidhen me Krijuesin, kur atyre u tregohet qartë dhe drejt se nga e kanë prejardhjen, dhe se ata nuk janë nipa e stërnipa të majmunëve, por janë bijtë e Ademit dhe të Havës, janë krijuar nga balta e dheu, e natyra dhe cilësia e dheut është e butë, e qetë, stabile dhe shumë profitabile e frytdhënëse.
Duhet të binden parlamentarët tanë dhe qeveritarët e të gjithë dashamirët e shtetit e të shoqërisë, në veçanti të rinisë sonë, se e vetmja rrugë për ta përmirësuar gjendjen nëpër shkolla tona, sidomos në ato fillore e të mesme, është futja e lëndës fetare. Është mundësia për t’i lidhur njerëzit me Zotin, për t’i mësuar ata se shkolla nuk është thjesht vendtubim ku të rinjtë takohen mes vete dhe kalojnë një kohë, apo relaksohen pakëz. Por ajo është një çerdhe në të cilën nxënë dije, ngritën dhe vetëdijesohen, dhe jo vetëm kaq, por aty pajisen edhe me edukatë e kulturë. Aty formojnë personalitetin e tyre. Aty përgatiten për të qenë të vyeshëm e të dobishëm për veten e tyre, për familjen dhe për shoqërinë.
Me shkollë ata jo vetëm që fitojnëdije dhe sigurojnë një të ardhme më të mirë materiale në këtë botë, por dija është edhe ndër adhurimet, apo ibadetet më të mira e më të dashura tek Zoti. Me mësim e edukim të mirëfilltë njeriu ngritët
në një shkallë shumë të lartë edhe në botën tjetër, më lehtë fiton xhenetin.  E për ta arritur tërë këtë shkallë të lartë, ata duhet ta duan dijen, ta duan shkollën me zemër, ta respektojnë mësuesin më shumë sesa prindin.
Të gjitha këto, dhe shumë të tjera, kush ua mbjell nxënësve në tru, dhe kush i bind më mirë sesa edukimi fetar? Po të kishte dobi nga teoria e majmunit e ateizmit të Marksit, do ta kishte marrë Evropa dhe Amerika dhe do ta kishin futur nëpër shkolla, mirëpo e kanë futur edukatën fetare duke ua obliguar nxënësve edhe shkuarjen nëpër kisha. Sepse që të gjithë njerëzit e dijes dhe të edukimit janë pajtuar se feja ka një ndikim të jashtëzakonshëm në intelektin e qytetarit, në veçanti të të riut. Këtë të vërtetë e mohojnë vetëm ateistët dhe bijtë e komunistëve nga trojet shqiptare, dhe pak të tjerë nga vendet tjera.
Nuk ka vend ku është futur edukata fetare e që nuk i ka dhënë frytet e saj pozitive, qoftë edhe si lëndë zgjedhore. Ta marrim si shembull Luginën e Preshevës, pasi që atje i kemi vëllezërit tanë shqiptarë që mësojnë lëndë fetare. Atje, ani pse kjo lëndë është zgjedhore, do me thënë e lirë dhe jo obligative, megjithatë, siç më thonë shokët dhe kolegët e mi mësimdhënës në ato vende, nxënësit nuk mungojnë.
Përkundrazi prezantojnë të gjithë dhe janë shumë të përkushtuar.Mbajnë qetësi dhe rrinë si njerëz, e nuk kërcejnë si majmunë!
Të nderuar, më lejoni t’ju them edhe atë se shkollat tona, përveç kësaj dukurie, janë bërë edhe çerdhe e drogës, prostuticionit, krimit, therjve me thika e deri te vrasjet me armë zjarri. Mendoj se edhe ju pajtoheni me mua lidhur me këtë kur them se është bërë vështirë të dërgohen fëmijët nëpër shkolla, ngase atje ka banda, ka kriminelë, ka arrogantë, dhe prindi si prind ka të drejtë të shqetësohet, madje shumë. Bile edhe nëse ankohet për diçka, i thuhet atij se këta janë të mitur dhe nuk i kap ligji. Me çka u japin edhe më shumë liri dhe hapësirë atyre nxënësve që të rebelohen.
Vërtet një gjendje kaosi, një gjendje e vështirë për ta definuar!
Në fund i bëj apel Ministrisë së Arsimit që, sa më parë që është e mundur, ta fusë lëndën fetare nëpër shkolla, qoftë edhe si lëndë zgjedhore. Bile fillimisht qoftë edhe si test nëpër disa shkolla, apo në disa komuna, për ta provuar e testuar, nëse funksionon, atëherë t’iu bashkohen edhe komunat tjera, po nëse jo, le ta lënë huq krejt, ani
pse unë nuk dyshoj fare në sukses.
Allahu e drejtoftë këtë shoqëri dhe na e ruajttë këtë rini. Amin, dhe deri në javën e ardhme, selam alejkum.

Shpërndaje këtë opinion nga Dr. Shefqet Krasniqi:
Shefqet Krasniqi
Hoxhë Dr. Shefqet Krasniqi në vitin 2013

Dr. Shefqet Krasniqi lindi më 22.06.1966 në fshatin Sibofc, në komunën e Obiliqit.

 Rrjedh nga një familje fetare.

 Shkollën fillore e kreu në fshat ku u dallua për zgjuarsi të rrallë për çka edhe shumë nga arsimtarët i propozuan që shkollën e mesme ta vazhdonte në degën e mjekësisë apo në ndonjë drejtim tjetër me perspektivë. Por, dashuria për fenë dhe dëshira për studim të saj bënë që Doktori ynë të zgjedhë Medresenë para çdo shkolle tjetër. Pasioni për dijen dhe dashuria e flaktë për fenë Doktor Shefqet Krasniqin do ta bëjnë të dallohet për zgjuarsi dhe angazhim edhe në Medrese.

 Pas shërbimit ushtarak, Dr. Shefqeti do të vazhdojë rrugëtimin e tij për nxënie të dijes por kësaj radhe jashtë vendit. Më 1986 pranohet në Medinën e Pejgamberit, alejhi’s selam, gjegjësisht në Fakultetin e Gjuhës dhe Letërsisë Arabe ku pas katër vite studimesh dhe dy vite paraprake në gjuhë, diplomon.

Shefqet Krasniqi
Shefqet Krasniqi në Medinë (2011)
 Vullneti do ta shtyjë Dr. Shefqetin që me gjithë rezultatet e arritura të mos ndalet. Ai pa pushuar fare vazhdon studimet postdiplomike por kësaj radhe në Shkencën e Jurisprudencës Islame apo Fikhut, ku me suksese të larta fiton titujt akademikë Magjistër më 1996 dhe Doktor shkence më 2001





 Me të mbaruar të studimeve të larta, Dr. Shefqeti kthehet në vendlindje ku fillimisht emërohet profesor në FSI e më pas edhe Imam në Xhaminë e Madhe në Prishtinë.

 Detyrën e Profesorit do ta ushtroj për pesë vite akademike me radhë ndërsa detyrën e Imamit vazhdon ta mbajë ende.

 Profesionalizmi i dëshmuar dhe sinqeriteti në punë, sidomos në fushën e gjerë të Davetit, Dr. Shefqetin brenda një kohe shumë të shkurtër do ta bëjnë një emër të njohur, jo vetëm në trojet shqiptare, por edhe më gjerë, në diasporë. Kjo sigurisht, fale laramanise dhe shumëllojshmëria te aktiviteteve te tij, qoftë nga minberi dhe mihrabi i Xhamise si hatib dhe ligjërues, e qofte edhe nga mediet vizuale, te dëgjuara, elektronike dhe te shkruara.

 Më konkretisht, Dr. Shefqeti është në shërbim të muslimanëve në Xhami ku mban rregullisht Hutben e Xhumasë dhe ligjërata tjera shkencore; është në shërbim të muslimanëve në TV ku mban emisione fetare të drejtpërdrejta, e po kështu në Radio; është në shërbim edhe nëpërmjet shtypit. Në të gjitha këto vende dhe mediume Dr. Shefqeti ishte dhe vazhdon të mbetet avokat i të drejtave të muslimanëve, e me theks të veçantë të femrave muslimane, të drejtat e të cilave në vazhdimësi po shkelen.


Shefqet Krasniqi duke mbajtur emisionin e tij në Youtube
Profili zyrtar i Dr. Shefqet KrasniqitFacebook (kliko & FOLLOW)

Kanali zyrtar i Dr. Shefqet KrasniqitYoutube (kliko & SUBSCRIBE)

 Dr. Shefqetin titujt akademikë nuk do ta pengojnë që të ulet para dijetarëve për të marrë dituri. Kështu, herë pas here, në vizitat që iu bën qoftë vendeve të shenjat qoftë vendeve tjera arabe, ai shfrytëzon rastin dhe përfiton dije të reja, të cilat janë kurorëzuar me inkuadrimin e tij në radhët e dijetarëve eminentë të kohës

Më qartë, Dr. Shefqet Krasniqi që nga viti 2009 është anëtar i Lidhjes se Dijetarëve Muslimanë gjegjësisht anëtar i kryesisë së kësaj lidhje. Ndonëse puna dhe fokusi i tij janë më shumë të theksuara në edukimin e drejtpërdrejtë të muslimanëve, dhe këtë me ligjërata, takime dhe tribuna fetare, Dr. Shefqeti gjurmë po lë edhe në shkrime.

Shkrimet e rregullta javore në gazetën e përditshme kosovare "Epoka e Re" dhe ky promovim janë dëshmia më e mirë për këtë.

 Deri më tani ka të botuar librin: "Texhvid i preferuar - Kur'an për të lexuar", që i kushtohet rregullave të leximit të Kur'anit.

Pastaj librin "Rruga e Ndriçuar", libër i cili flet për biografin
ë e Pejgamberit a.s. nga lindja deri në vdekje, libër ky i cili është pritur shumë mirë dhe është cilësuar shumë tërheqës dhe prekës.

Pastaj "Qëndrime në Kohë 1", që është përmbledhje shkrimesh të artikujve të të gazetës "Epoka e Re" në vitet 2009-2010

Pastaj libri "Qëndrime në Kohë 2", i cili është vazhdim i atyre shkrimeve në të njejtën gazetë për vitin 2012, e që veq sa ka dalur nga shtypi.

Pastaj ka të përkthyer librin: "Të drejta në të cilat ftoi natyra e njeriut dhe i pranoi Sheriati" nga autori Shejh Muhad Saalih Uthejmin, pastaj "Akide Ehli Syneti dhe Gjemati" nga i njejti autor.

 Pastaj ka shtypur dy librat e tij të magjistraturës dhe atë të doktoraturës.
Bile këtë të fundit ("Trasmetimet e Ebu Hanifes nëpërmjet Hasen Bin Zijad Eluluij") e ka përkthyer edhe në gjuhën shqipe e që është para botimit.

E natyrisht se ka edhe projekte tjera të cilat do të dalin në shesh me kohë insh'Allah.

Allahu qoftë i kënaqur me te dhe me ne të gjithëve! 

Amin.

Shpërndaje këtë postim duke përdorur njërin nga butonat më poshtë që edhe të tjerët të kuptojnë se kush është Dr. Shefqet Krasniqi.